السلام عليكم ورحمة الله وبركاته ..
وصبحكم الله بالخير جميعاً 🌹
.
.
ننتقل لموضوع مهم وخطيييير جداً وهو البرمجيات الخبيثة لاجهزة الاندرويد .. طبعاً كلنا عارفين ان الاندرويد هو نظام تشغيل مفتوح المصدر .. والقيود المفروضه على المطورين بسوق التطبيقات من ناحية حماية المستخدمين قليلة وتكاد تنعدم .. يعني من الاخر .. اي مبرمج محترف يقدر يقدم لك تطبيق ملغم يخترق خصوصيتك ويكسر حماية جهازك .. فلذلك جبت لكم اليوم بعض النصائح حول هذا الموضوع وافضل الطرق لتجنب انتهاك خصوصيتك .
.
أولاً ﻻزم تتأكد من الأذونات اللي راح تسمح بالتطبيق يسويها قبل تحمله .. وهذا الشي يجيك بنافذة التحميل او اللي يسمونها السماح بالوصول .. تأكد ان التطبيق اللي بتحمله ما يدخل على صورك او جهات اتصالك او الكاميرا الا إذا كان التطبيق مختص بالأشياء هذي .
.
ثانياً حاول تحفظ نسخة احتياطية من ملفات جهازك على الإيميل او على جهاز الكمبيوتر الخاص بك .. وحاول تحدث النسخة أسبوعياً وقبل تحديث النسخة سو سكان (فحص) عن طريق التطبيق اللي بذكرة بالنقطة الثالثة للبرمجيات الخبيثة .
.
ثالثاً حمل تطبيق Malwarebytes Anti-Malware وحاول تفحص جهازك يومياً او على الأقل بعد كل عملية تحميل تقوم بها .. وتذكر تسوي فحص قبل كل نسخة احتياطية راح تحفظها لجهازك .
.
.
البعض بيشوف الموضوع تافه وليس له معنى .. بس صدقني الموضوع خطييييير جداً لان فيه انتهاك لخصوصيتك وكلنا عارفين ان الاندرويد يحتلم صدارة قائمة اسواء نظام تشغيل في الحماية والخصوصية .. بينما الافضل بين انظمة التشغيل هو نظام تشغيل اجهزة البلاك بيري ثم يأتي ثانياً ios ويحتل المركز الاخير الاندرويد .. راح اتكلم بإذن الله قريباً بموضوع انظمة التشغيل والحماية بكل نظام بالتفصيل الممل وكمان راح اشرح ليش مافيه برمجيات خبيثة او سباي لانظمة تشغيل آبل وبلاك بيري بينما نشوفها كثيييير بالأندرويد .
.
.
هذا كل ما عندي لليوم اتمنى اني افدتكم
أسامة زارب
inst : amn
خارج الموضوع تحويل الاكوادإخفاء الابتساماتإخفاء